Kryeministri i Anglisë Boris Johnson është përballuar me një situatë të papritur, teksa vizitonte Qendrën Shëndetësore “Whipps Cross”.
Në korridorin e këtij spitali, Johnson u ‘përplas’ me një aktivist të Partisë Laburiste, Omar Salem, një nga kundërshtarët kryesorë të Partisë Konservatore.
Salem e akuzoi Johnsonin se shkatërrimi i Shërbimit Kombëtar Shëndetësor ka ndikuar dhe në kurimin e së bijës. Sipas tij, në spital nuk kishte mjaftueshëm mjekë, të cilët neglizhuan shëndetin e vajzës së tij.
“Sistemi Shëndetësor është shkatërruar. Dhe tani ju vini këtu për të dhënë konferencë për shtyp. Do të donit që kjo gjë t’i ndodhte fëmijës tënd?!’’, iu drejtua Salem, kryetarit të Partisë Konservatore.
