Bora Zemani pritet që të ndryshojë ekran, e ndërsa së shpejti do ta shohim në Top Channel.
Së bashku me vëllezërit Donald dhe Romeo Veshaj, kanë qenë padyshim treshja më simpatike e televizioneve shqiptare, duke na shoqëruar përgjatë një viti me emisionin e titulluar “Treshat”.
Siç duket, këtij cikli i ka ardhur fundi. Bukuroshen e ekranit do e shohim nga sezoni i ri televiziv në ekranin e “Top Channel”, lajm ky i bërë me dije nga vetë moderatorja e cila ka postuar një foto në ambientet e këtij televizioni.
Burime të sigurta konfirmojnë për “revistawho.com” se Bora Zemani do të vijë çdo ditë në shtëpitë e shqiptarëve me një format që është bërë i famshëm gjatë sezonit të shkuar. “Përputhen” rubrika që u dha mundësi vajzave dhe djemve të gjenin shpirtin binjak në “E diell”, do të kthehet tashmë në një emision të përditshëm, sërish me autorësi të Olsa Muhametit.
Formati që ju dha famë disa të rinjve që aspironin televizionin, do të drejtohet nga Zemani, por nuk do të mungojnë në të figura të tjera televizive.
Olti Curri nuk do të jetë më në poltronin e opinionistit, që pas tërheqjes që bëri në sezonin e shkuar nga ky pozicion, por burime për “revistawho.com” bëjnë me dije se të tjerë personazhe të njohur janë në negociata me programin që tashmë do të jetë i përditshëm. “Përputhen” do të transmetohet pas “Ftesë në 5” me Bieta Sulon.
