Bora Zemani i la për ‘Top Channel’, Romeo Veshaj tregon çfarë do ndodhë me ‘Treshat’

Moderatorja Bora Zemani është larguar nga emisioni “Treshat”. Tashmë është bërë me dije se me nisjen e sezonit të ri televiziv, atë do ta shohim në “Top Channel”, në rubrikën “Përputhen”.

Romeo Veshaj, në një intervistë për “Revista Who”, ka bërë të ditur se së bashku me Donaldin po bëhen gati për sezonin e ri, i cili premton shumë surpriza.

Çfarë do të ndodhë me formatin në të cilin ju pamë sezonin e kaluar së bashku me Donaldin dhe Borën?

Ashtu sikurse e dinë të gjithë, Bora nuk është më pjesë e emisionit, me këtë rast i uroj shumë suksese dhe ne sigurisht që do vijojmë rrugëtimin tonë plot risi dhe surpriza këtë sezon të ri.

A e sheh veten në një format tjetër televiziv? Nëse po, çfarë?

Unë dhe Donaldi jemi duke punuar paralelisht për një projekt të dytë, i cili do të dalë në transmetim në javën e parë të tetorit. Është një “Late Night Show” mjaft popullor, tek i cili do të ngjisim në skenë dhe një aktore shumë të dashur të publikut shqiptar ndër vite. Do të jetë një “show”, që do të ketë në vëmendje gjithë familjen. Ju mbetet vetëm të prisni.