Në 13 prill, SHBA, Anglia dhe Franca bombarduan depon e armatimeve të armëve kimike në Siri dhe qendrën kërkimore që zhvillonte këto armë. Sulmet u kryen për të parandaluar presidentin Bashar al-Assad, në realizimin e sulmeve te tjera kimike mbi popullin e vetë.
Analisti Ilir Kalemaj në një intervistë për Tirana Today tha se kjo lëvizje nuk ishte për të rrëzuar presidentin Assad. Ishte e llogaritur për të paralajmëruar presidentin sirian që të mos kryente më sulme kimike.
Por, ndërkohë dy prej aleatëve më të rëndësishëm të Assad, Rusia dhe Irani thanë se SHBA kaloi vijën e kuqe, duke rritur tensionet mes shteteve respektive.
“Në Siri janë duke u luftuar disa luftëra dhe ato nuk janë duke u bërë për naftë apo energjetikë. Por, të gjithë janë duke luftuar në sferën e influencës,”-shton Kalemaj për Tirana Today.
Analisti e quajti Shqipërinë të parëndësishme në këtë proces dhe se roli i saj është t’i japë mbështetjen vendeve aleate. Tirana Today
