Në sezonin që po i drejtohet fundit, Milani rrezikon seriozisht të mbetet jashtë Ligës së Kampionëve teksa ky do të ishte një dështim për kuqezinjtë të cilët rikthimin në kompeticionin më të rëndësishëm europian e kishin si objektivin kryesor.
Sigurisht, në këtë rast me Milanin jashtë Champions-it atëherë masat nga ana e presidencës do të ishin të pashmangshme dhe nuk bëhet fjalë vetëm për trajnerin Xhenaro Gatuzo apo për lojtarë të ndryshëm. Dështimi në këtë rast mund të sjellë ndryshime të cilat prekin drejtorin sportiv, Leonardo.
I pari si zwvendwsues i Leonardos është menduar, është drejtori sportiv i Lille, Luis Campos, i cili njihet për figurën e tij dhe rolin që ka patur në kalimin e Kylian Mbappe tek Monaco, apo nënshkrimin me dy talente këtë sezon, siç janë Nicolas Pepe dhe Jonathan Bamba.
Në anën tjetër, “Calciomnercato” ka zbuluar një skenar tjetër. Sipas medies italiane presidenti Singer pëlqen shumë shqiptarin Igli Tare dhe po shqyrton mundësitë për të sjellë atë në Milano.
“Ideja Igli Tare po shfaqet gjithashtu. Menaxheri shqiptar vlerësohet shumë nga fondi Elliott, për atë që ka bërë në vitet e fundit te Lazio.
Ka dy pengesa të mundshme për Singer: Tare ka një kontratë shumë të gjatë me Lazio dhe një lidhje të fortë me presidentin Lotito”, shkruan “Calciomercato.com”.
Kujtojmë që Tare sezonin e kaluar u shpall menaxheri i vitit në Itali dhe njihet për blerjet e suksesshme që ka bërë tek Lazio.
Denonco ne TT