Bota

Lihtenshtajni – vendi më i pasur në botë, pa ushtri dhe me vetëm 10 të burgosur…

               Publikuar në : 14:02 - 15/05/19 S.N

I vendosur si një sanduiç midis Zvicrës dhe Austrisë, ky vend i vogël malor ishte dikur një parajsë fiskale për të gjithë njerëzit e pasur. Lihtenshtajni është vendi i katërt më i vogël në Evropë me vetëm 11 komuna dhe një popullsi po aq të vogël. Por mos u mashtroni nga madhësia e tij. Ky komb i vogël prej vetëm 38 mijë banorësh, është tepër i gjallë. Arsyet lexojini më poshtë.

Ka gjithsej vetëm 10 të burgosur, vrasja e fundit ka ndodhur para 20 e ca vitesh

Në Lihtenshtajn, ka më pak se 10 të burgosur në të gjithë vendin – të paktën që nga viti 2014. Ndërsa ka një rritje shqetësuese të plagosjeve me thikë, Lihtenshtajni mbetet gjithsesi një nga vendet më të sigurta në botë. Kjo pjesërisht për shkak të Austrisë, që kujdeset për burgimin e një personi që dënohet më shumë se 2 vjet. Lihtenshtajni pati një vrasje më shumë se 20 vjet më parë, dhe raporton zero përdhunime.

Reperi i njohur amerikan, Snoop Dogg, dëshironte ta merrte me qira të gjithë vendin

Banorët njoftuan disa vite më pare, se cilido që donte, mund ta merrte me qira të gjithë vendin për shumën e 70.000 dollarëve për një natë. Në këtë kosto përfshihej strehimi për personin që kishte bërë kërkesën dhe 149 miqtë e tij, një monedhë speciale e veçantë për t’u përdorur nga ata, dhe një takim mirëseardhjeje me kreun e shtetit, Princin Hans-Adamin II.

Kjo ide erdhi pasi reperi i njohur amerikan, Snoop Dogg, kërkoi ta marrë me qera vendin e vogël për disa kohë, për të realizuar një videoklip. Për fatin e keq të disa prej fansave të tij, kërkesa iu refuzua. Dhe kjo për shkak se reperi kërkoi më shumë kohë, për t’u bërë gati për klipin.

Ka një ushtri tejet miqësore

Gjatë luftës austro-prusiane të vitit 1866, lihtenshtajnierët marshuan për të luftuar. Tetëdhjetë ushtarë, që përbënin të gjithë ushtrinë, kapërcyen malet në kërkim të lavdisë. Ndërsa nuk mundën të gjenin dot as aleatët dhe as kundërshtarët, ata u bënë të famshëm në një mënyrë tjetër.

Në një kthesë të çuditshme të ngjarjeve, ushtria ishte rritur në madhësi kur u rikthye në shtëpi, pasi rrugës ishte takuar dhe miqësuar me një italian që iu bashkua tyre. Lihtenshtajni, është një vend kaq i vogël saqë në vitin 2007, trupat zvicerane e pushtuan aksidentalisht pasi u ngatërruan gjatë një stuhie bore. Lihtenshtajnierët, e zbuluan pushtimin vetëm kur Zvicra i kërkoi ndjesë zyrtarisht.

Është kryeqyteti i prodhimit të dhëmbëve proteza në botë

A keni dhëmbë të rreme në gojë? Ka shumë gjasa që ato të kenë ardhur nga Lihtenshtajni. Gjashtëdhjetë milionë dhëmbë artificiale prodhohen çdo vit nga kompania “Ivoclar Vivadent”, që shet rreth 40 për qind të të gjitha dhëmbëve proteza në Evropë, dhe rreth 20 për qind në mbarë botën. Të disponueshme në 10.000 përbërje dhe forma të ndryshme, dhëmbët janë shumë të njohura edhe në një treg të pazakontë: Bollivud, industria indiane e filmit.

Vendi i gjashtë i vogël në botë. . .dhe një nga më të lumturit

Me një sipërfaqe prej rreth 160 km2, Lihtenshtajni është një nga vendet më të vogla në botë. Ky vend ka rregulla të rrepta se kush nga të huajt mund të jetojë atje, duke kërkuar që emigrantët e mundshëm të kenë një vize pune 3-vjeçare, dhe më pas t’i nënshtrohen një votimit publik, nëse banori më i ri duhet të marrë apo jo nënshtetësinë.

Paga mesatare vjetore, është rreth 115.000 dollarë amerikanë. Buxheti i shtetit financohet kryesisht nga shumë bizneseve të huaja, që dynden në principatë për të përfituar nga taksat e ulëta. Meqë i gjithë kombi ka një popullsi më pak se shumica e qyteteve të mëdha, shumë njerëz punojnë në Zyrih, Mynih apo Milano.

Në festat mbretërore, ftohen që të gjithë

Princi i mëparshëm, Franz Jozefi II, e kremtonte ditëlindjen e tij më 16 gusht. Ndaj kremtimi i Ditës Kombëtare organizohet më 15 gusht, si një kombinim i festës së Zonjës dhe ditëlindjes së princit. Që nga vdekja e Franz Jozefit në vitin 1989, festivali ka vazhduar të njëjtën ditë, dhe në të janë të ftuar të gjithë banorët e vendit.

Vendin me PBB-në më të madhe në botë

PBB-ja e Lihtenshtajnit, e bën atë vendin më të pasur në planet. Me një normë prej 1.5 përqind, shkalla e papunësisë në vend është ndër më të ulëtit në të gjithë globin, kryesisht për shkak të njerëzve që janë aq të pasur, sa që mund të bëjnë atë që u pëlqen.

Teknikisht, komunat mund të shkëputen në çdo kohë

Megjithëse një vend tepër i vogël, 11 komunat autonome të Lihtenshtajnit, mund të shkëputen në çdo kohë me votim demokratik. Duke qenë se nuk ka ushtri, dhe vetëm 100 oficerë policie në të gjithë vendin, edhe një shkëputje me forcë nuk do të ishte shumë e zorshme. Megjithatë në thelb, askush nuk ka nxitje që kjo të ndodhë./ Tirana Today

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

Kthehu
WhatsApp Denonco ne TT