Bashkimi Sovjetik prodhoi disa vite më vonë se SHBA bombën e saj bërthamore. Megjithatë vendi i madh komunist arriti që të prodhonte dhe testonte në tetorin e vitit 1961 “Bombën e Carit”, armën bërthamore më të fuqishme që ka parë deri më sot bota.
Edhe pse u lëshua dhe shpërtheu në ajër, bomba shkaktoi një tërmet me magnitudë 5 të shkallës Rihter. Shpërthimi ishte 700 herë më i fortë se ato në Nagasaki dhe Hiroshima.
Reja e saj e në formë kërpudhe arriti deri 60 km lart në atmosferë, ndërsa fuqia e saj ishte e barabartë me atë të 50 milion tonë eksploziv.
“Bomba e Carit” shkatërroi gjithçka në një rreze 35 prej kilometrash në çdo drejtim. Por edhe qyteti Severni, 55 kilometra larg, që mendohej se ishte i sigurt dhe jashtë rrezikut, u shkatërrua plotësisht, dhe shumica e ndërtesave u rrafshuan.
Djegie të shkallës së tretë u panë deri 100 km larg vendit të shpërthimit. Xhamat e dritareve u thyen disa qindra km larg nga vendi i shpërthimit, ndërsa topi i zjarrtë që shkaktoi bomba, ishte i dukshëm nga më shumë se 950 larg vendit të testimit.
Edhe pilotët që hodhën bombën nga avioni në vendin pranë ngushticës Matoçkin, e ndien shumë shpërthimin. Ndonëse ishin larg në kohën e shpërthimit, avioni e humbi menjëherë 1.000 metra lartësi dhe për pak u rrëzua. Bomba ishte parashikuar të kishte një fuqi prej 100 kilotonë, 100 milionë ton tritol.
Por për arsye sigurie, ekspertët e përgjysmuan fuqinë e saj në 50 kilotonë. Pamjet e shpërthimit, ishin mbajtur sekret për dekada me radhë, deri kur muajin e shkuar, Moska vendosi të publikojë pamjet në rralla.
Bombat me hidrogjen janë dhjetëra apo qindra herë më të fuqishme, sesa ato të zakonshme. Mijëra bomba të tilla zotërohen sot nga SHBA dhe Rusia, dhe pavarësisht marrëveshjeve të ndryshme, nuk ka ende një dakordësi për eliminimin e plotë të tyre.
https://www.youtube.com/watch?v=nbC7BxXtOlo&feature=emb_title&ab_channel=%D0%A0%D0%BE%D1%81%D0%B0%D1%82%D0%BE%D0%BC
