Ish-kryetarja e Parlamentit në kohën e PD, Jozefina Topalli, përmes një postimi në rrjetin social Facebook ka hedhur akuza ndaj kryetarit të PD-së Lulzim Basha.
“Humbi sa herë hyri në zgjedhje, që kur u shpall kryetar i PD, la vendin pa opozitë, bëri PD (Partinë e ëndrrave) karneval, tradhtoi demokratët duke djeg mandatet e parlamentit, i dhuroi Ramës të gjitha bashkitë dhe këshillat bashkiak”, shkruan ndër të tjera Topalli.
Reagimi i plotë i saj: “Humbi sa herë hyri në zgjedhje, që kur u shpall kryetar i PD, la vendin pa opozitë, bëri PD ( Partinë e ëndrrave ) karneval, tradhtoi demokratët duke djeg mandatet e parlamentit, i dhuroi Ramës të gjitha bashkitë dhe këshillat bashkiak, shpalli vetëngrirjen dhe vrau votën në partinë, që solli lirinë e votës, zboi themelues, qëndrestare, autoritete e kontribues, shpartalloi çdo strukturë të partisë të ngritur me sakrifica titanike, premtoi se nuk do lejonte zgjedhje me 30 qershor dhe bëri sikur e harroj, premtoi se nuk do dorëzonte bashkitë dhe i lëshoi pa asnjë problem, premtoi se do kishte zgjedhje me 13 tetor meqë kishte fitu me 85% ..dhe bëri sikur se mbante mend; premtoi në çadër se s’ka zgjedhje me Ramën dhe hyri në qeveri me Ramën kryeministër, i doli zot listës së tij private, tha se mbante totalisht përgjegjesi dhe tani bën sikur ia kanë sjell nga marsi.
Ktheu partinë në biznes të familjes…
Boll është boll!
Me një drejtim të ri të Partisë Demokratike, Rama rrëzohet për pak muaj, e vendi çlirohet nga 4 vetë (partnerë të tij) që e mbajnë peng”.
