Në orët e para të mëngjesit, rreth orës 04:00 në Athinë ka ndodhur një sulm mbi rezidencën e ambasadorit amerikan. Sipas mediave greke ka qenë anarkistët e grupit “Ruvikona” sulmuan me bojëra dhe tymuese rezidencën.
Sulmi përfshihet në një sërë protestash të anarkistëve për të lejuar terroristin e “17 Nëntorit” Dhimitris Kufondindas të dalë me leje nga burgu ku kryen dënimin për një sërë aktesh terroriste, mes tyre dhe atentate e vrasje. Ambasadori Jeffrey Pyatt e ka konsideruar sulm vandalësh, që duhen dënuar sipas ligjit, pasi dëmtimi i pasurisë nuk konsiderohet kurrsesi protestë paqësore.
