Shoqata e Infermierëve të Shqipërisë, ka përcjellë një reagim pas vetëvrasjes së dy pacientëve me Covid-19 te spitali “Shefqet Ndroqi”. Sipas Shoqatës, pas vetëvrasjes së pacientëve, personat e radhës mund të jetë mjekët dhe infermierët.
Ata duan të dinë se ku është kujdesi ndaj personelit. Nëse personeli vazhdon të infektohet e të vetëvritet, kush do të shërbejë nesër në spitale dhe qëndra shëndetësore?! Kjo Shoqatë thekson se personeli shëndetësor trajtohet ende si kafshë, dhe ndaj tyre nuk tregohet asnjë kujdes.
Reagimi në fjalë vjen pas dy vetëvrasjeve që kanë ndodhur në spitalin “Shefqet Ndroqi” në Tiranë. Më 13 gusht u hodh nga kati i 3-të i këtij spitali 29-vjeçari Xhino Koça nga Durrësi. Ndërkohë një ditë më parë u hodh nga kati i katërt i këtij spitali 65-vjeçari Hasan Mira, vjehrri i deputetit Gjetan Gjetani.
“Pas pacienteve me covid radha e vetvrasjeve mund te jete e vete e personelit shendetesore per shkak te mbingarkeses qe kane ne pune dhe sherbimit qe bejne ndaj pacienteve. Ate cfare ata shohin cdo dite ne pacient te ndryshem, ate cfare ata ndjejne sa here humbet jeten nje pacient dhe lodhjen qe kane gjate oreve te gjata te sherbimit nuk eshte cudi qe dhe neser ne lajme te shohim se si mjek apo infermier nga lodhja, stresi apo depresioni u vetevra”, thuhet ndër të tjera në reagimin e Shoqatës.
“Ku eshte kujdesi ndaj personelit???
A duhet te kete sherbim psikologu dhe per personelin shendetesore???
A duhet te kete kohe pushimi dhe per ta???
Mos valle duhet te vazhdojne te trajtohen si kafshe pune akoma personeli shendetesore pa asnje kujdes ndaj tyre???
Po ata pse valle vazhdojne e heshtin???
Sa do zgjasi kjo drame per to???
Nese personeli vazhdon te infektohet e te vetevritet kush do sherbej neser ne spitale dhe qendra shendetesore???
Mos valle ka ardhur koha te kthehet fokusi nga personeli Shendetesore i lene pas dore prej vitesh???”.
