Kreu i Kuvendit, Gramoz Ruçi, ka përjashtuar për 10 ditë nga seanca deputetin Adriatik Alimadhi. Ky i fundit ka insistuar që të replikojë me kryeministrin Edi Rama, duke bllokuar foltoren.
Por përkundrejt këtij akti, Ruçi nuk ia ka dhënë të drejtën e fjalës për replikë. Dhe në këtë formë, Alimadhi ka insistuar duke bllokuar foltoren. Alimadhi i është drejtuar Ruçit, duke i thënë se po punon me dy standarde.
Debati:
Ruci: Z. Alimadhi s’ka të drejtë për replikë, sepse Rama nuk të përmendi emrin.
Alimadhi: Pse bën qëllimisht ndaj meje, pse punoni me dy standarde?!
Ruçi: E dëgjova, këtu isha dhe s’të ka përmendur emrin asnjëherë. Për herë të dytë të tërheq vëmendjen.
Alimadhi: A do të iki nga Parlamenti, sepse këtë po kërkon ti?
Ruçi: Do dalësh jashtë. Po të them për herë të pestë. Përjashtohesh nga seanca. Atëherë përjashtohesh për 10 ditë.
