Kryeministri Edi Rama ka reaguar lidhur me vendimin e palës kosovare, për të mos lejuar futjen në territorin e tyre të makinave nga Shqipëria, nëse qytetarët nuk kanë bërë testin e koronavirusit.
Përmes një postimi në Twitter, Rama tha se Shqipëria është nga vendet e para që ka hapur kufijtë, pasi shumë vende të tjera nuk i kanë hapur akoma.
Kreu i qeverisë e cilëson këtë bllokim për dezinfektimin e makinave si të çuditshëm, ndërsa nuk tha nëse do ketë ndonjë zgjidhje tjetër lidhur me këtë situatë.
Postimi i plotë:
Na hap kufijtë o Ramazon se gjithë bota i ka hap!”e kur thosha jo s’i ka hap gjithë bota, ne do jemi nga të parët fare, gënjeja unë! Po tani që ne i hapëm e shikoni që të tjerët jo? E pra, unë kam njëmijë të meta, po NUK GËNJEJ dhe mirë a keq THEM ATË QË BËJ DHE BËJ ATË QË THEM! Dhe mos keqkuptohemi, s’e kam me bllokimin e çuditshëm të makinave të Shqipërisë në kufirin e Kosovës për dizinfektim, po për plot kufij fqinj ose jo, që janë ende mbyllur! Prandaj DURIM, BESIM dhe KUJDES NGA NXITIMI NË NGRËNIEN E RRENAVE se helmojnë gjakun e çorodisin mendjen!
