Numri i policëve që do të jenë në shërbim, është i ngjashëm me atë të ditës së shtunë, në protestën e parë të organizuar përpara Kryeministrisë. Rreth 1200 policë do të jenë sot në terren, për të mbikëqyrur protestën e thërritur nga opozita e bashkuar në orën 10:00 përpara Parlamentit. Disa grupe të gatshme të policisë janë vendosur dhe te Kryeministria, për shkak se ka indicie se protesta mund të zhvendoset pas anulimit të seancës në Kuvend, nga ana e kryeparlamentarit Gramoz Ruçi.
Ndërkohë që sot janë marrë masa shtesë nga ana e policisë, duke rrethuar me tela me gjemba godinën e Kuvendit, ndërsa ka pasur rrethim dhe të Piramidës dhe Kryeministrisë. Edhe sot në protestë nuk do të ketë fjalime politike, ndërsa deputetët opozitarë kanë djegur mandatet e tyre.
