Blerje votash në Elbasan/ PD çon në SPAK Taulant Ballën dhe 42 persona të tjerë

Partia Demokratike bëri një denoncim ditën e sotme lidhur me mbledhjen e kartave të identitetit të qytetarëve dhe blerjen e votave në Elbasan.

Drejtuesi politik i Partisë DEmokratike për këtë qsrk, Gazment Bardhi, akuzoi numrin dy të Partisë Socialsite, Taulant Balla, se ka ngritur një rrjet kriminal për mbledhjen e kartave të identitetit dhe blerjen e votave.

Gjatë një prononcimi për mediat, Bardhi u shpreh se për këtë çështje kanë hartuar një dosje të cilën e kanë depozituar në SPAK.

Deklarata e plotë

Disa nga shtetasit e kallëzuar në SPAK, janë:

· Taulant Balla, organizator i skemës

· Gjergj Luca në zonën Labinot Fushë dhe Labinot Mal.

· Aurel Kaja ka ngritur një rrjet personash, që bën shpërndarjen e parave në këmbim të  votës për Partinë Socialiste.

· Ardian Peqini në  Lagjen e “Kinezëve” dhe tek zona e njohur si “Isllat”.

· Dashamir Myzeqari në lagjen e njohur si “tek Çerdhja”.

· Artan Firaku, Gëzim Rusi dhe Xhevahir Njelina tek lagja “5 Maji.

· Ledi Hoti (Ledian) dhe Arben Veseli ne Bradashesh.

· Arjan Sinani ne zonen e 11 Nëntori dhe zonën e quajtur “Harqet – Firakasit”.

Dhurata Mata në lagjen “Emin Matraxhiu”.

· Gentian Sharra në zonën e Bradasheshit dhe Fushë Mbretit.

· Themistokli Bebi në lagjen “Clirimi”.

· Tit Muzhaqi dhe Gent Derzeza në lagjen 11 Nëntori.

· Arian Ibershimi në lagjën “Dyli Haxhire”.

· Met Peqini (Meti Tujës) dhe Tit Caka, në lagjen e njohur si “Rruga e re e Trenit”.

· Shaqir Prroi, Donald Varfi dhe Shyqeri Hoxha, në lagjën “Haxhias”.

· Afrim Vullnetari, në lagjën “5 Maj”, në lokalin e njohur si “Lokali me Harqe”, që shërben edhe si bazë e shpërndarjes së lëndëve narkotike në qytetin e Elbasanit.

Lexo edhe :   U shoqërua nga policia për vrasjen e Çakës, arratiset 39-vjeçari (Emri)

· Fadil Meta, Gent Sharra, Klement Xhaferri, dhe Durim Sadiku në lagjën “Fushë-Mbret”.

Materialet e plota për këta shtetas dhe shumë të tjerë, në total 43 persona, janë dorëzuar në SPAK. Ne e nxisim organin e akuzës të veprojë më shpejtësi, t’i shërbejë ligjit dhe interesit publik, duke proceduar penalisht personat e përfshirë.

Po sot kam një mesazh për secilin prej tyre.

Nuk ka krim elektoral, sado në errësirë e në fshehtësi të kryhet, që të mos zbulohet dhe ndëshkohet. Cilido prej tyre do të përgjigjet.

Duhet të keni parasysh, se ne do të ndërmarrim çdo nisëm, çdo instrument ligjor, dhe do të nxisim dëshmitarë të drejtësisë që të bëhen pjesë e ndëshkimit shembullor të kujtdo që tenton të blejë qoftë edhe 1 votë të vetme.

Mos kini ansjë iluzion se jeni të paprekshëm. Ata që mendojnë se janë të paprekshëm, do të shohin se pas 26 prillit do të humbin jo vetë privilegjet e paligjshme, por edhe lirinë.

Askush dhe asgjë nuk e ndal dot ndryshimin. Ne do t’i fitojmë zgjedhjet, me shumicën e qytetarëve të ndershëm të Elbasanit. Keqbërësit, banditët, drejtorët, dhe servilët e Taulant Ballës, do të jenë me 26 prill në minorancë.

Në Elbasan do të ketë drejtësi, do të ketë rend, dhe ligji do të bjerë mbi këdo që e ka sfiduar deri tani, dhe që po e sfidon edhe këto pak ditë që kanë ngelur deri në vendimin që do të marrin qytetarët.

Pas 13 ditëve Elbasani do ti kthehet qetësisë, qytetarët do të kenë mundësi për punë e mirëqënie, pa pasur frikë nga asnjë bandit, apo pushtetar të lidhur me ta.