Bayern Munich ka filluar revolucionin pas mbylljes së një epoke futbollistët. Gjermanët kanë investuar 80 milionë euro për të siguruar shërbimet e mbrojtësit kampion bote, Lucas Hernandez. Pasi bleu Pavard nga Stuttgarti, bavarezët sigurojnë edhe mbrojtësin e Atletico Madrid, për të vendosur edhe një rekord me 115 milionë Euro të shpenzuara në muajin mars për blerjen e 2 mbrojtësve të krahut.
Zyrtarizimi i blerjes së Lucas Hernandez u bë nëpërmjet rrjetit social Twitter ku theksohet se futbollisti nënshkroi me kampionët e Gjermanisë një kontratë 5 vjeçare.
‘Jam i lumtur qe Lucas Hernandez firmosi me ne, bëhet fjalë për një prej mbrojtësve kampionë te botës – tha Drejtori Sportiv i Bayernit Hasan Salihamidzic – mund të luajë në rolin e qendërmbrojtësit dhe të atij të mbrojtësit të majtë.”
Por ky transferim është pak i njollosur nga problemet në ligamentet e gjurit të djathtë të futbollistit që sipas stafit mjekësor të Bayernit të Mynihut do të zgjidhen nëpërmjet ndërhyrjes kirurgjikale, një operacion që Hernandez do ta kryejë menjëherë, kjo edhe pas një akordi të arritur mes Bayernit dhe Atletico Madrid.
23-vjeçari francez me këtë transferim të tijin ka thyer disa rekorde pasi përveç se është bërë blerja më e shtrenjtë në historinë e Bayernit dhe të Bundesligës, ka parakaluar edhe holandezit e Liverpoolit Virgil Van Dijk i cili u ble për 78,8 milionë euro në listën e mbrojtësve më të shtrenjtë të blerë ndonjëherë.
“Është një ditë e rëndësishme për karrierën time”, tha Hernandez. “Bayern Munich është një nga klubet më të mirë në Evropë. Jam krenar që do të luftojë për titullin me fanellën bavareze.
Dua të falënderoj klubin e Atleticos, duke filluar nga drejtuesit, stafi teknik, shokët e ekipit dhe tifozët për këto pesë vite të mrekullueshëm. Atletico do të mbetet një pjesë e imja”.
