Moderatori Blendi Fevziu është përplasur këtë mbrëmje me kryebashkiakun e Durrësit, Vangjush Dako.
Teksa po flisnin për përgjimet e publikuara nga gazeta gjermane, Dako iu drejtua Fevziut duke i thënë se edhe atë e marrin në telefon, për t’i komunikuar se kë lajm duhet të botojë e kë jo.
Ky reagim, ka shkaktuar irritim tek drejtuesi i emisionit, i cili i revoltuar i është kthyer Dakos me fjalët: “Nuk ka b*thë njeri të më thotë mua mos e nxjerr këtë apo atë lajm.”
Pjesë nga debati:
Dako: Edhe ty të marrin në telefon dhe të thonë mos nxirr këtë mos nxirr atë.
Fevziu: Nuk ka bythë njeri të më thotë mua mos e nxjerr këtë apo atë lajm.
Dako: Të kanë marrë në telefon zyrtarë shteti..
Fevziu: Ti e krahason këtë me një kriminel që të kërkon listat e zgjedhësve. Të marrë një njeri të thotë më jep listat, është skandal. Thotë se është edhe me kryetarin e Partisë Socialiste. Kjo të duket normale ty.
Dako: Unë po flas për mediat.
Fevziu: Ka telefonata që thonë ma ke nxjerrë gabim. Nuk ndodh!
