Gazetari Blendi Fevziu deklaroi se nëse do të ketë vjedhje votash në zgjedhjet e 25 prillit të vitit 2021, rrezikohet një kaos në vend.
Në emisionin Zonë e Lirë, ai u shpreh se dy mandate janë kosto e madhe për Partinë Socialiste.
“Mendoj se Rama nuk e ka aq të thjeshtë të marri mandatin e tretë, votimi kryesor në këtë rast nuk do jetë a do vijë Luli, shqiptarët do shkojnë të votojnë nëse Rama i ka qeverisur mirë apo keq. Ideja e mungesës së lidershipit vazhdon të ekzistojë.
Unë mendoj që dy mandate janë një kosto e madhe për PS, nëse nuk e amortizon dot këto kosto, do t’i humbi zgjedhjet. Nëse në këtë vend do shkojnë dhe do vidhen votat dukshëm, shpresoj që këtë herë nuk do ndodhi më, do rrezikojmë të hyjmë në një kaos dhe në një situatë që do dali jashtë kontrollit dhe do ishte fatale për Shqipërinë. Nuk besoj se do ketë vjedhje zgjedhjesh”, tha gazetari Blendi Fevziu.
