Biznesmeni shqiptar në Bruksel Ljiridon Saljahi, i cili ishte viktimë e një tentative vrasjeje në gusht të vitit 2016 në Laeken, ishte i akuzuar për armëmbajtje pa leje. Vetëm një ditë më parë Gjykata Penale e Brukselit e ka dënuar atë me 14 muaj burg, shkruan Tirana Today.
Shqiptari Ljiridon Saljahit dhe avokatët e tij, Yannick de Vlaemynck dhe Nicolas Houssiau, kishin bërë të pamundur për të shmangur dënim, por autoritet kanë vendosur ta lënë pas hekura biznesmenin.
Më para thuhej që ai do të dënohej deri më tre vjet burg, por mbrojtja e shqiptarit është shprehur se biznesmeni Salhajti e mbante armën me vete për vetëmbrojtje, pasi kërcënohej nga klanet shqiptare me të cilën kishte pasur konflikte. Tashmë duke marrë parasysh kërkesat dhe të gjitha pretendimet e palës mbrojtës, Gjykata Penale e Brukselit e dënoi të mërkurën në 14 muaj burg nën akuzën e “armëmbajtjes pa leje”, raporton lacapitale.be.
Historia:
Biznesmeni e përdorte armën për vetëmbrojtje, pasi i kërcënohej jeta nga klanet shqiptare. Ai i ka mbijetuar një tentative për vrasje në Bulevardin Émile Bockstael në Laeken më 20 gusht 2016, raporton dhnet.be. “Është një mrekulli, mënyra se si ai i shpëtoi atentatit pasi agresorët shqiptarë lëshuan mbi të një breshëri plumbash, ku ai mbeti i plagosur rëndë. Ai mori 4 plumba, nga breshëria e kallashnikovit”.
Në mbrëmjen e 20 gushtit, biznesmeni i cili ishte aktiv në Bruksel dhe ishte pronar i objekteve të lojërave të fatit bingo, u plagos rëndë. Ai u identifikua si Ljiridon Saljahi, 34 vjeç, raporton lacapitale.be.
Ai ishte kërcënuar më parë dhe kishte thënë: “Kam frikë, e di që po më kërkojnë”. Ai kishte paraqitur një ankesë. Policia në atë kohë nuk bëri asgjë. Ai është shprehur se e dinte se kush ishin agresorët që donin “lëkurën e tij”. Sipas tij, sulmi lidhet me shitjen e dymbëdhjetë objekteve në rajonin e Brukselit. Vrasësja ishte paguar 10,000 euro.
Por, sipas informacioneve të policisë në Laeken, hetimet ishin përqendruar te 4 vëllezër shqiptare, që donin të merrnin kontrollin e drogës, bixhozit dhe prostitucionit në Alhambra: “Të gjithë e dinin se sherri ndodhi mes vëllezërve shqiptarë dhe Ljiridon Saljahi që i bënë atentat me kallashnikov” .
Vëllezërit janë futur në burg, dhe kanë dëshmuar se për shkak të Ljiridonit, i cili ishte përgjegjës sipas tyre për të çmontuar trafikun e tyre të vogël në qarkun Alhambra, Teatri Flemish dhe Yser në Bruksel, shkruan Tirana Today.
Por, përpara autoriteteve vëllezërit shqiptarë janë shprehur: “Ne e njohim Ljiridon Saljihi. Herën e fundit që biseduam me njëri-tjetrin ishte në fund të qershorit”.
https://tiranatoday.com/cpo-ndodh-biznesmenin-saljahi-vellezerit-shqiptar-bene-atentat-ne-bruksel/
Por, Saljahi përpara autoriteteve ishte shprehur: “Unë jam i frikësuar, me të vërtetë i frikësuar, ata janë duke kërkuar mua”.
Sipas tij gjithçka kishte ndodhur për shkak të xhelozisë dhe konkurrencës. Biznesmeni ishte shprehur se:
“Ai dhe vëllai i tij menaxhonin një biznes, një zyrë juridike që merrej me përkthime si dhe 80 lojëra fati të kontrolluara nga Komisioni i Lojërave”. Kompania e tyre e Lojërave lakmonte blerjen e dymbëdhjetë objekteve shtesë në Anderlecht, Koekelberg dhe Molenbeek, për më shumë se një milion euro, një pjesë e së cilës ishte paguar, shkruan Tirana Today.
Saljahi thotë se kishte paraqitur një ankesë, rreth dy javë para sulmit, te policia e Koekelberg. “I dhashë tre emra policisë) dhe fotot e atyre që donin të më vrisnin mua, por policia nuk bëri asgjë”.
Të shtunën e 20 gushtit, ora 23:30, në Laeken ndodhi ngjarja. “Unë isha duke shkuar në shtëpi, isha vetëm, në Smart-in tim, unë ndalem, kam qenë i kujdesshëm, unë nuk e kam ngritur revolen, të shtënat erdhën nga drejtimi i Laeken së vjetër. Me një refleks, fillova të shmangia automjetet që ishin para meje, u ktheva majtas, u largova nga makina, ata vazhduan të qëllonin, dhe më goditën. Doja të merrja një taksi për në spital, por shoferi refuzoi të më merrte, shkruam dhnet.be.
Mua më dërguan në spitalin e Brugmann në gjendje kritike, dhe u zgjova pas dy ditësh në koma. Të paktën nëntë të shtëna ishin qëlluar duke përfshirë tre në Smart dhe gjashtë jashtë tij. Fatmirësisht të shtënat nuk kishin prekur asnjë organ jetësor. Profeti me siguri ishte me mua dhe unë jam i fortë. Ky është mësimi i tij i jetës: Në sytë e tij, “ai që ecën gjithmonë ia del, nuk ishte e shkruar që unë të vdisja, dhe unë sot jetoj”, është rrëfyer pas ngjarjes së rëndë biznesmeni.
Ljiridon më tej pranon: Unë nuk e kam parë vrasësin, sepse ai ishte pas shpinës time. “Unë duhet të kisha kthyer kokën, por në ato momente po mendoja për të shpëtuar lëkurën time.” TIRANA TODAY
