E diel, 13 Qershor, 2021
14.5 C
Tirana

Biznesi nuk e përdor garancinë e parë sovrane, tërheq 55% të fondit të vënë në dispozicion

Garancia e parë sovrane, e cila vuri në dispozicion të bizneseve një shumë prej 11 miliardë lekësh, që ata mund ta merrnin hua në banka të cilët do të garantonte shteti, deri tani është përdorur në 55% të fondit të parashikuar.

Ministrja e Financave Anila Denaj bëri të ditur në faqen e saj në Facebook se deri tani e kanë përfituar 491 biznese, për një vlerë prej 6.1 miliardë lekësh.

Ndërkohë, që kanë qenë 734 aplikime për një vlerë prej 7.9 miliardë lekësh. Ministrja kujtoi sipërmarrjet që afati për të aplikuar është shtyrë deri në 20 qershor.

Garancia e parë sovrane, që synonte të ndihmonte bizneset me fonde për pagimin e pagave të punonjësve, nuk po tërheq shumë interes edhe pse qeveria e ndryshoi vendimin fillestar dhe mori përsipër pagimin e interesave.

Arben Shkodra, nga Shoqata e Prodhuesve, thotë se kredia nuk ka pasur shumë interes, për disa arsye.

Kategoria e parë e kompanive, që kanë një ecuri pak më të mirë, nuk kanë interes për fondin e garancisë, pasi kanë marrëdhënie direkte me bankat dhe këto të fundit, po u ofrojnë lehtësi direkte përmes kredive e overdrafteve me kushte të favorshme.

Kategoria e dytë e bizneseve, që po performojnë keq dhe nuk kanë mundësi likuiditeti, për shkak të ndërprerjes së kontratave apo vonesat në pagesa nga furnitorët dhe që kanë kredi të mëparshme. Ata gjenden para dy sfidave. Së pari, a do t’ia dalin të shlyejnë kredinë e tyre ekzistuese dhe, së dyti, çfarë do të ndodhë me analizën e riskut nga bankat, sepse këto të fundit analizojnë dhe kreditë e mëparshme.

Kategoria e tretë e kompanive, që janë të mbyllura dhe nuk e dinë se kur do të mund të hapen, pasi e ardhmja është e vështirë të parashikohet, nuk e marrin mundimin të rrezikojnë për të marrë hua nga fondi i garancisë.

Një tjetër pasiguri sjell dhe rreziku që shteti të merr aksionet nëse nuk paguan. “Shteti thotë të jap kolateralin, po nëse nuk performon mirë, të marr aksionet”, thotë Shkodra.

Nuk është i qartë procesi se si i merr aksionet, çfarë të drejtash ka, të merr aksionet e shumicës, apo pakicës, si do të vlerësohen asetet, duhet një ushtri administratorësh që të menaxhojë marrjen e kompanisë.

Përveç garancisë së parë sovrane, qeveria ka miratua dhe një garanci të dytë me vlerë 15 miliardë lekë, për të cilët bizneset kanë pohuar se është e shtrenjtë, pasi interesi është deri në 5%, ndërsa qeveria garanton vetëm 60% të shumës./Monitor

- Reklama -

Më shumë nga kategoria




Të fundit

Belgjika mposht me lehtësi Rusinë, Lukaku i dedikon golin Eriksen (Video)

Përfundon ndeshja midis Belgjikës dhe Rusisë, e vlefshme për grupin B të kompeticionit europian ''EURO 2020''. Skuadra e drejtuar nga Martinez ka shkatërruar rusët...

VOA: Takimin më të vështirë, Biden do e ketë me Erdogan

Presidenti turk Rexhep Tajip Erdogan do të takohet me presidentin amerikan Joe Biden të hënën në takimin e nivelit të lartë NATO-s për diskutime...

Putin nënshkruan ligjin që mbron të dhënat e zyrtarëve të sigurisë

Presidenti rus, Vladimir Putin, ka nënshkruar një ligj që po vlerësohet se mund të pengojë përpjekjet për ekspozimin e korrupsionit ose kërkesën për llogaridhënien...

Itali: Vaksinimi me AstraZeneca, vetëm për personat mbi 60 vjeç

Vaksina Astrazeneca në Itali do të përdoret vetëm për njerëzit mbi 60 vjeç. Lajmi vjen pas rasteve të rralla të trombozës që kanë ndodhur...

Shqipëria ngjitet në çatinë e botës, por me cilat prioritete?

Shqipëria u zgjodh dje anëtare e përkohshme në Këshillin e Sigurimit. Duke filluar nga 1 janari i vitit 2022, Shqipëria do të ulet për...