Një tjetër person ka humbur jetën nga koronavirusi sot në Greqi.
Bëhet fjalë për një 89-vjeçar, i cili ishte shtruar në spitalin Attikon. Kështu shkon në 171 numri total i personave që kanë humbur jetën nga COVID-19 në vendin fqinj.
Deri më tani, në Greqi janë shënuar gjithsej 2,873 raste me koronavirus, 55.2% e të cilëve janë vetëm meshkuj.
Nga këto: 612 persona (21.3%) dyshohet se kanë të bëjnë me udhëtime nga jashtë, ndërsa 1446 të tjerë (50.3%) janë raste kontakti.
1,374 persona janë shëruar nga virusi në vendin fqinj, ndërsa 1,331 raste janë ende aktive.
