Koronavirusi ka mbërthyer keq edhe Gjermaninë, e cila deri më tani ka konfirmuar 22 të vdekur.
Mediat gjermane shkruajnë se mbi 8 mijë persona janë infektuar nga virusi vdekjeprurës. Nga këto raste vetëm 67 pacientë kanë mundur të shërohen.
Numri i të prekurve nga Covid-19 në Gjermani pritet të rritet ndjeshëm në ditët në vijim. Vetë kancelarja Merkel deklaroi pak ditë më parë se rreth 60% e popullsisë mund të infektohej nga ky virus.
Gjermani është një nga vendet më të prekura nga koronavirusi në Evropë. Vendin e parë e mban Italia me më shumë se 2,500 viktima dhe mbi 26 mijë të infektuar.
Ndër shtetet më të prekura janë edhe Franca dhe Spanja, të cilat shënojnë mijëra të prekur nga kjo pandemi.
