Rritet numri i viktimave të shënuara nga pandemia e koronavirusit në Greqi.
Sipas mediave greke, dy persona të tjerë kanë humbur jetën gjatë orëve të fundit. Bëhet fjalë për një 65-vjeçar dhe një 91-vjeçar.
Greqia regjistron gjithsej 2,235 raste të personave të infektuar me koronavirus. Deri më tani në vendin fqinj janë shëruar 269 persona nga kjo sëmundje, ndërsa 67 pacientë ndodhen në gjendje të rëndë shëndetësore.
Numri i rasteve aktive në Greqi është 1,856. Ajo renditet e treta në gadishullin e Ballkanit si më e prekura nga virusi vdekjeprurës, pas Serbisë dhe Rumanisë.
