Greqia raporton për 3 viktima të tjera nga pandemia e koronavirusit, gjatë 24 orëve të fundit.
Kështu shkon në 160 numri total i personave që kanë humbur jetën nga COVID-19 në vendin fqinj.
Deri më tani, Greqia ka konfirmuar gjithsej 2,770 raste të personave të infektuar. Më shumë se 1,300 persona janë shëruar ndërsa 1,240 raste janë ende aktive.
Nga rastet aktive, 24 pacientë ndodhen në gjendje të rëndë shëndetësore.
Edhe pse me këtë bilanc Greqia duket se nuk do të bëjë hapa pas, por do të vijojë me rihapjen. Vendi fqinj do të hapë edhe sezonin veror turistik por me protokolle sigurie të shëndetësisë.
