Franca ka shënuar sot sërish një rritje të shifrave të bilancit nga koronavirusi. Në 24 orët e fundit, në France kanë humbur jetën 330 persona.
Vendi shënoi një rritje të ndjeshme të kurbës së viktimave ditën e djeshme, ku u regjistrua dyfishi i vdekjeve në krahasim me një ditë më parë.
Një rritje e lehtë shihet edhe te rritja e numrit të rasteve të reja me COVID-19. Gjatë 24 orëve të fundit janë shënuar 1,089 raste, mbi 400 raste më shumë se dje.
Me më shumë se 170 mijë raste infektimi dhe mbi 25 mijë viktima, Franca renditet e pesta në botë si më e prekura nga koronavirusi, pas SHBA-ve, Spanjës, Italisë dhe Mbretërisë së Bashkuar.
Franca tashmë ka një diferencë mjaft të vogël me Spanjën, sa i përket numrit total të viktimave të konfirmuara. Spanja regjistron vetëm 82 viktima më shumë sesa Franca.
Më shumë se 3,7 milionë njerëz nga e gjithë bota janë prekur nga COVID-19 ndërsa rreth 257 mijë persona kanë humbur jetën.
