12 të vdekur dhe 764 pacientë të infektuar është bilanci gjatë 24 orëve të fundit në Kosovë. Numri i të infektuarve është sërish i lartë, ku janë testuar 1.827 mostra, prej të cilëve rezultojnë 764 raste pozitive.
Numri i rasteve pozitive është 37.792 nga 139.699 persona të dyshimtë në virusin SARS-CoV-2. 975 pacientë kanë humbur jetën.
Gjatë 24 orëve të fundit janë shëruar 584 pacientë, ndërsa numri i përgjithshëm i të shëruarve deri më sot është 23.274 raste, kurse numri i rasteve aktive është 13.543.
