Kuvendi ka rrëzuar rezolutën për dënimin e genocidit serb për masakrën e Srebrenicës. Gjatë kohës së votimit, ish-kryeministri Sali Berisha fotografonte deputetët që votuan kundër. Ai tha se ky vendim ishte bërë sipas urdhrit të presidentit serb, Aleksandër Vuçiç.
“Shqipëri antishqiptare me në krye Edi Ramën nuk ka pasur kurrë. Ju shkelmuat mbi gjakun e 8 mijë të pafajshmeve. Votuat duke shkelur mbi jetën e dhjetëra qindra mijëra shqiptarëve që në genocidin serb ranë për t’u bërë të pavdekshëm.
Ç’mund të presësh nga një trafikant, kryetarin e organizatës kriminale, skllav i një Aleksandër Vuçiç. Si mund të bëni ju shqiptar një votim të tillë?! Sali Berisha në Shqipëri dhe OKB ka qenë kundër embargos që penalizonte Kosovën, dhe ka marrë çdo masë kundër kontrabandës”, tha Berisha.
Deputeti i PD-së, Tritan Shehu e ka quajtur të paprecedent këtë vendim. “E shëmtuar, është një dimë që na vendos një amë të rëndë përpara botës demokratike. Këta zotërinj sot nuk pranojnë rezolutën. Parlamenti Europian kohë ka caktuar datën 11 korrik për të kujtuar viktimat. Në parlamentin shqiptar ne nuk kemi kaluar asnjë rezolutë. Përse? Çfarë fsheh kjo? Është vepër e shëmtuar, një shfaqje e paprecedentë, një shfaqje turpi”, tha Shehu.
