Maqedonia e Veriut ka shënuar një rënie të numrit të rasteve të reja me koronavirus në 24 orët e fundit.
Sipas mediave vendase, në 24 orët e fundit janë shënuar 103 raste të reja me COVID-19. Kështu shkon në 4,157 numri total i rasteve të konfirmuara me koronavirus në vendin fqinj.
Gjatë orëve të fundit në Maqedoninë e Veriut janë shënuar 5 viktima, duke e çuar në 193 numrin total të viktimave të shënuara.
Vatër kryesore mbetet Shkupi me 46 të infektuar, ndërsa viktimat u shënuan 3 në Shkup, 1 në Kumanovë dhe 1 në Tetovë.
Sot ka përfunduar gjendja e jashtëzakonshme në venin fqinj dhe duket se nuk do të ketë një rivendosje, edhe pse numri i shifrave vijon të mbetet i lartë.
