E diel, 17 Janar, 2021
5 C
Tirana

“U shit, tradhtoi”, Zaida Çobo tregon të pathënat pas ngjarjes me të birin

Mamaja e djalit të dhunuar nga Policia e Shtetit, Zaida Çobo, ka reaguar sërish pas takimit me drejtorin e Përgjithshëm të Policisë, Ardi Veliun.

Çobo, nëna e 15-vjeçarit të dhunuar nga efektivëtm që ngriti edhe një padi për Drejtorin e Policisë së Shtetit Ardi Veliun,  thotë se është tronditur shumë nga opinioni publik.

E ftuar në programin “Historia ime”, në TV Klan, Zaida rrëfeu se takimi u kërkua nga Ardi Veliu, për t’i kërkuar ndjesë për videon. Ajo shton se nuk e priste reagimin dhe komentet e publikut pas këtij takimi, dhe është lënduar shumë.

Intervista

Mirela Milori: Ju u takuat me të. E kërkoi ai takimin?

Zaida Çobo: E kërkoi ai.

Mirela Milori: Si shkoi takimi?

Zaida Çobo: Realisht, përtej të vërtetës, pavarësisht se shumë gojëdhëna ka dhe po dëgjoj gjithandej që flasin. Unë personalisht e ndjeva që vërtet kërkoi takim për të kërkuar ndjesë mua personalisht. E ndjeva se në një farë mënyre njeriu duket kur flet, kur kontakton, mënyra si e interpreton atë që nxjerr nga goja dhe unë e ndjeva që ai e ndjente vërtet që të më kërkonte ndjesë. Takimi ishte shumë i shkurtër, ndërkohë më tha që unë doja të të kërkoja ty personalisht ndjesë, pastaj ta bëja publike. Pasi e bëri publike, unë atë pjesë nuk e prisja që e bëri vetë publike, tek Drejtoria e Përgjithshme e Policisë.

Mirela Milori: Po, u bë një foto publike!

Zaida Çobo: Nuk e prisja fare, nuk e dija fare që do funksiononte dhe kjo pjesë. Më erdhi mirë, sepse ishte diçka që unë e kërkoja që ditën e parë.

Mirela Milori: Që ta takoje?

Zaida Çobo: Po, që ta takoja. Jo vetëm që ta takoja, por që në momentin e parë që mua më kanë marrë nga televizoni, gazetare ka qenë, nuk e mbaj mend dhe më tha e ke parë ç’ka bërë drejtori, jo i thashë, më ço pak linkun. Që në momentin e parë që e pashë, unë e marr direkt drejtorin në telefon dhe nuk ma ngriti. Që në momentin e parë doja ta vërtetoja, të kontaktoja me të dhe t’i thoja çfarë po ndodh.

Mirela Milori: Dhe thjesht u kërkua një ndjesë? E pranove?

Zaida Çobo:  Patjetër!

Mirela Milori: E ke kaluar këtë histori? Si e përpunon tani këtë histori?

Zaida Çobo: Kjo më ka lënduar akoma më tepër!

Mirela Milori: Reagimi i njerëzve?

Zaida Çobo: Reagimi i njerëzve, i opinionit publik më ka lënduar goxha. Të vret opinioni publik.

Mirela Milori: Pra të ka vrarë opinioni pas fotos. Në momentin që ti je takuar me zotin Veliu dhe ai kërkoi ndjesë, këtë pjesë opinioni e ka deformuar?

Zaida Çobo: E ka deformuar, jo vetëm opinioni, por edhe portalet e kanë deformuar në mënyrën më ekstreme. Jo u shit, jo tradhtoi, mua më vjen çudi kë tradhtova, më vjen çudi kë shita. Më vjen çudi përse mund të marrë lekë nën dorë, kur ndërkohë unë atij zotërie ja marr lekët me të gjitha të drejtat e mia në gjyq. Ky është një konceptim shumë i palogjikshëm dhe për këtë më vjen për të ardhur keq si funksionojmë.

- Reklama -

Më shumë nga kategoria




Të fundit

Vetëm 19 vjeç/ Kush është talenti nga Berati që debutoi në Bundesligën gjermane

Tim Civeja është mesfushori shqiptar 19-vjeçar që ka debutuar në Bundesligë ditën e djeshme me klubin e tij të Augsburgut ndaj Verder Bremenit në...

Si ndihmon Google Earth për të luftuar krimet ekologjike

Lista e krimeve që kryhen në sektorin e mjedisit në Lindjen e Mesme është e gjatë: rafineri të improvizuara nafte që lëshojnë tymra duke...

Rritet numri i të infektuarve në Kosovë, 5 viktima nga Covid-19

Pesë persona kanë vdekur dhe janë regjistruar 353 raste të reja me koronavirus në Kosovë, njoftoi Instituti Kombëtar i Shëndetësisë Publike (IKSHPK). "Rastet e vdekjes...

Rama merr pjesë në fejesën e vajzës nga Mamurrasi me djalin turk (Video)

Kryeministri Edi Rama ka marrë pjesë në fejesën e vajzës nga Mamurrasi, Eldës dhe djalit nga Stambolli, Burakut. Ata u takuan gjatë kohës që Buraku...

Ndryshim drastik i ish-lojtarit të Interit, shikoni si është transformuar

Ish-mesfushori i Interit, Fredi Guarin u rikthye në futbollin kolumbian pasi kishte luajtur në liga të ndryshme në Europë përfshirë dhe Italinë, duke kaluar...