Konfirmohen dy rastet e para të koronavirusit në Mal të Zi.
Qeveria malazeze e ka konfirmuar këtë lajm përmes një postimi në Twitter. Në postim thuhet se kryeministri malazez, Dushko Markoviç i ka konfirmuar dy rastet e para.
Mali i Zi ishte i vetmi vend evropian i cili nuk kishte shënuar asnjë rast me koronavirus.
PM @DuskoMarkovicCG: #Montenegro confirmes first two #COVID19 cases #CoronaInfoCG pic.twitter.com/Jxkrm4AMwK
— Government of Montenegro (@MeGovernment) March 17, 2020
Shtetet më të prekura nga koronavirusi në Evropë janë Italia, Spanja, Franca, Gjermania dhe Britania e Madhe.
Ulja e rasteve të reja me koronavirus në Kinë, ka bërë që Evropa të kthehet tashmë në epiqendrën e re të koronavirusit.
Në rang global numri i të infektuarve ka shkuar në rreth 200 mijë. Ndërsa numri total i viktimave ka shkuar në rreth 8 mijë persona.
Sipas Worldometer, vetëm 81,683 pacientë janë shëruar nga koronavirusi.
