Presidenti i Serbisë, Aleksandër Vuçiç, tha se fitorja e Donald Trump në zgjedhjet presidenciale në Amerikë do të ishte më e mirë për Serbinë.
Megjithatë, Vuçiç u shpreh se do ta uronte Joe Biden për fitoren e tij.
“Kam dëgjuar kritika të ndryshme. Unë jam duke u sulmuar për lavdërimin e Trump. Kurrë nuk kam thënë ndonjë fjalë të keqe për Biden, edhe pse e njoh atë më mirë se Trump. Unë e kam parë atë katër ose pesë herë. Kam thënë dhe mendoj se është më mirë për Serbinë që Trump të fitojë. Por nuk do të flas keq për Biden. Unë do të përpiqem të kem bashkëpunimin më të mirë të mundshëm,“ tha Vuçiç në ”Zemun”.
Vuçiç theksoi faktin se do të jetë më e vështirë për Serbinë me Biden, sepse Trump nuk mori pjesë në bombardimet dhe njohjet e Kosovës, ndryshe nga presidenti i sapozgjedhur.
Ai shprehu mirënjohje për Trump dhe anëtarët e kabinetit të tij për bashkëpunimin.
