Aktori Laert Vasili, i ftuar në studion “360 Gradë”, teksa po bënte ironi me drejtuesin e emisionit Artur Zheji në lidhje me termin sondazh, iu kthye gazetarit Gentian Gaba duke e paralajmëruar atë se nëse e ndërpret do t’i kthehet ashpër.
“Mos më ndërprit, se të betohem se do të kthehem keq. Më dëgjo mua se jam më lart se ti. Ajo që shoh është se e majta është fituese. Dy parti socialiste janë në mbi 60%. Për mua dy parti të majta janë fituese, ju lexojeni si të doni. E majta u shërben të varfërve”, tha Vasili në Ora News.
Ndërkohë, Gaba ia kthen me ironi se “E majta e do shumë shtresën e varfër, aq shumë e do saqe gjithmonë e shton atë. Këtë e thotë edhe sondazhi.”
