Ish-kryeministri Sali Berisha sot ka ‘sulmuar’ ish-ministren e Integrimit në qeverisjen e PD, Majlinda Bregu.
Berisha deklaroi se zgjedhja e Bregut në postin e Sekretares se Përgjithshëm të Këshillit të Bashkëpunimit Rajonal është e njëanshme.
I ftuar në emisionin “Kjo Javë” në “News 24”, Berisha ka shprehur rezerva në lidhje me zgjedhjen e Bregut në këtë post të lartë ekzekutiv në BE, pasi sipas tij është bërë nëpërmjet kësaj qeverie.
“Unë respektoj zgjedhjen e saj, natyrisht zgjedhje nëpërmjet kësaj shumice, une respektoj zgjedhjen. Në konceptin tim liria është zgjedhje. Thelbi i lirisë është zgjedhja. Ajo ka të drejtë të zgjedhë. Unë nuk gjykoj zgjedhjen e tjetrit. Kam respekt për zgjedhjen e saj, por natyrisht kandidatura është bërë nëpërmjet qeverisë. Do kishte qenë ndryshe sikur opozita të ishte pyetur, të kishte dhënë mendim. Nuk besoj se kryetari i opozitës do refuzonte zgjedhjen e saj. Qeveria duhet të pyeste kryetarin e opozitës. Nuk e konsideroj që ajo ka bërë një gjë që unë të jem zemërthyer ka bërë zgjedhjen e vetë. Secili prej bashkëpunëtorëve të mi ka vlerësimin për të gjithë kohën që kemi bashkëpunuar. Unë jam tërhequr nga drejtimi i PD, por ruaj ato respekte që kam pasur për ta” deklaroi Berisha.
