Debati për rritjen e pagës së pedagogëve është trajtuar si çështje edhe nga Berisha. Në mbledhjen e grupit në selinë e PD-së, ish-kryeministri ka mbështetur protestën e pedagogëve, duke hedhur akuza mbi kreun e qeverisë Edi Rama. Sipas Berishës, Rama po kërkon që të largojë elitën nga ky vend, ndërsa shton se ai po përdor Vettingun për pedagogët si një hanxhar.
“Elita e kombit tonë që ka si shtëpi universitetin, është në grevë. Në protestë për kërkesat më elementare, më mund të paraqiten nga një trup akademike“.
“Rama po sillet sikur ta kishte nxjerr Enver Hoxha nga hunda. Ky është kreu i një organizate më korruptive në Europë. Firmos qindra milion dollarë, ku entet i thonë je në kundërshtim me ligjin. Ky kërkon Vetting pedagogëve. Ka fytyrë ky që parkun rreth shtëpisë, 5 mijë metra katror e ka blerë me 2 dollarë.
Parku është në zonë të ndaluar, në zonë të mbrojtur. Ky që u përmend Vettingun si hanxhar pedagogëve. Ja kush flet për pastërti figure. Zonja e tij thotë u bënë me kurbanin. Ai thotë u bë me emigracionin. Ai nuk ka asnjë faturë. Ai ka deklaruar se sa lek ka, por sarajet e tij u ngritën komplet. Ky kërcënon me mbyllje universitete. U mbylla thotë po u futët në grevë”.
Kryetari i Partisë Demokratike, Sali Berisha, u shpreh se selia blu po përgatit axhendën e protestave. Berisha pohoi se do të jetë në ballë dhe në krye të protestave popullore.
“Ne kemi axhendën tonë të protestave dhe po e përgatisim. Sot kam takim me krerët e PD në Tiranë, dhe dy janë çështjet tona kryesore që do diskutojmë, primaret dhe protestat. Ne kemi axhendën tonë, sindikatat kanë të veten.
Ne jemi parti politike dhe do mbushim rrugët dhe sheshet se nuk mund të ecet në këtë mënyrë, kur interesat e qytetarëve shkelmohen çdo ditë, shqiptarët përzihen nga vendi i tyre, ligji nuk ekziston. Ne do të jemi në ballë dhe në krye të protestave popullore, në mbrojtje të interesave qytetare”, u shpreh Berisha.
