Ish-kryeministri Berisha ka reaguar për takimin Rama-Basha, i cili zgjati tre orë, por pa asnjë sukses. Berisha akuzon Ramën se për 4 vite në pushtet ai nuk iu tregoi dot shqiptarëve një vepër publike, rrugë, shkollë, spital, ujësjellës, kanalizime apo premtim të mbajtur.
Shkrimi i plotë i Sali Berishës:
Karrigia e Noriegës së Shqipërisë, Edi Ramës, po shtyn vendin drejt humnerës!
Në vend të një zgjidhje politike, zgjedh mbrojtjen me çdo çmim të karriges se tij!
Të dashur miq, Noriega i Shqipërisë pranon çdo gjë tjetër, por jo një kryeministër teknik, sepse nuk i njeh vetes asnjë përgjegjësi për Narko-Republikën që ndërtoi.
Në katër vite ai nuk iu tregon dot shqiptarëve një vepër publike, rrugë, shkollë, spital, ujësjellës, kanalizim apo premtim të mbajtur, por vetëm narko-polici, narko-deputetë, narko-pushtetarë, narko-fermerë, ara të pafundme kanabisi, tunele, magazina shtetërore me kanabis dhe laboratorë ndër më të sofistikuarit për drogën dhe, njëlloj si Noriega, bankën e tij për larjen e parave të drogës!
Narko-Republika është mjedisi që vret votën e lirë të shqiptarëve dhe ushqen me gjakun e tyre, pushtetin e krimit të Edi Ramës.
Ai nuk ndjen asnjë përgjegjësi për lirimin nga burgjet për qëllime elektorale të vrasësve serial, bandave terroriste dhe bllokimin e dekriminalizimit.
Vetëm në administratë shtetërore ai ka sot mbi 400 vetë me rekorde kriminale dhe në grupin parlamentar zëvendësoi një grup vrasësish e trafikantësh me një grup tjetër, po të markës së tyre. Krimi dhe vetëm krimi është garantuesi kryesor i pushtetit të tij dhe vrasjen e votës së lirë. Ai për karrigen e tij ka shndërruar të gjithë rrogëtarët e administratës, ushtrisë, policisë, gardës, ndërmarrjeve publike në trupë elektorale të partisë shtet!
Pra, Edi Rama nuk do zgjidhje politike. Ai për karrigen e tij do me çdo kusht t’iu rrëmbejë votën dhe të ardhmen tuaj. Revolucioni demokratik do ta hedhë Noriegën e Shqipërisë në vendin që ai meriton! sb
