Ish-lideri demokrat Sali Berisha, ka filluar të nxjerrë sekrete nga PD-ja, të cilat e fundosin edhe vetë. Berisha ka thënë dje se Basha nuk i bënte asnjëherë në zyrë takimet me ambasadoren Yuri Kim, pasi ishte i bindur se ai i kishte vënë përgjues dhe dëgjonte bisedat e tij.
Kreu demokrat Lulzim Basha ka pasur dyshime se përgjohej nga paraardhësi i tij Sali Berisha. Deklarata e tij u bë dje gjatë një takimi me gratë demokrate, dhe duket se jemi në kufijtë e një skandali.
“Kur ky i pabesë dhe i pa dinjitet, dora dorës, do mësoni gjëra të pabesueshme për pabesitë e tij të turpshme. Ky zotëri deklaronte të gjitha gafat e tij, mi ka imponuar Sali Berisha dhe t’ju them këtu se burime tërësisht amerikane, më informonin se ky i thotë ambasadores të dalim nga zyra se kemi regjistrues nga Berisha. Më ka futur Berisha regjistrues dhe bisedojmë jashtë. E imagjinoni dot? Unë atë nuk e pranoja kurrë për mandat të tretë në krye të opozitës, dhe do gjeja të gjitha mënyrat të vija te ju për t’ju thënë që ky vetëm po kalon nga disfatë në disfatë, dhe ndaj ai bashkëpunoi për një vendim që unë e përballoj vetë”, tha Berisha.
I menjëhershëm ka qenë dhe reagimi i Bashës, i cili i konsideroi akuzat e Berishës trillim, teksa theksoi se asnjë mashtrim nuk do ta shndërrojë PD-në në mburojë të interesave të ish-kryeministrit. “E trishtueshme kur dëgjon sa poshtë ka rënë Sali Berisha. Asnjë trillim, mashtrim, të thash e me the, nuk do ta shndërrojë PD-në në mburojë të interesave të tij personale”, shkruan Basha.
