Pasi shpërndanë protestuesit dhe morën në kontroll situatën, policia ka rrethuar godinën e Partisë Demokratike me shirit të verdhë “skenë krimi”.
Më tej, turma e protestuesve është zhvendosur në Bulevardin “Dëshmorët e Kombit”, duke ju drejtuar Kryeministrisë.
Turma udhëhiqet nga ish-kryeministri Sali Berisha. “Për fatin më të zi të këtij vendi, narkoqeveria dhe narkoopozita janë e njëjta gjë. Opozita e vërtetë është kjo që shihni ju, vigane në këmbë, që u paraqit në protestë paqësore dhe u përball me mjetet më të egra të dhunës. Unë garantoj shqiptarët se jemi dhe do mbetemi të pamposhtur në vlerat që ne besojmë”, tha Berisha.
