Analisti i njohur, Artur Zheji ka komentuar vendimin e ish-kryeministrit Sali Berisha, për të paditur Sekretarin Amerikan të Shtetit, Anthony Blinken, pas vendimit të DASH për ta shpallur ”non grata” atë dhe familjen e tij.
I ftuar në emisionin ”Pikat mbi i”, Zheji u shpreh se Berisha po e bën betejën e tij personale, duke mos e përfshirë Partinë Demokratike.
Sipas tij, Partia Demokratike mund të detyrohet të bashkëqeverisë me Partinë Socialiste, për hir të stabilitetit në vend.
Artur Zheji: ”Unë mendoj se beteja e Berishës është e tija, nuk e bëri betejë të PD-së. Berisha duke personalizuar çështjen, mbrojti PD-në. Yuri Kim tha se Shqipëria po ndryshon. Kim e futi aktin e Berishës në aktin e asgjëbërjes. PD mund të detyrohet të pranojë ofertën e Ramës, për bashkëqeverisje për hir të stabilitetit. Ne jemi 2.8 milionë banorë gjithsej, jemi sa një qytet i madh. Do të insistohet në një situatë që të dënohet një person, që ka drejtuar këtë vend para tetë vjetësh.”
