Kryeministri Edi Rama ka reaguar për herë të parë, në lidhje me vendimin e DASH, për shpalljen ”non grata” të ish-kryeminsitrit Sali Berisha dhe familjes së tij.
Gjatë fjalës së mbajtur në Kongresin e Partisë Socialiste, Rama u shpreh se gjatë mandatit të tretë duhet të fitojë Shqipëria, dhe nuk duhet t’i interesojë se çfarë bën Partia Demorkatike.
Ai ironizoi selinë blu, për të cilën deklaroi se ka lidhur kalin te porta e Departamentit që të “hingëllijë” kundër shtetit, dhe “narkoshtetit” siç e quan Berisha shpeshherë kur bën akuza.
Edi Rama: ”Populli pret prej 30 vitesh ta shohë Shqipërinë në maj, por nuk duhet të harxhojmë energji për bamin dhe bumin. Duhet të shmangemi kundër akuzave kur na akuzojnë. Fushata ka mbaruar dhe PS ka fituar, ne kemi fituar dhe do kemi 4 vite kohë për të bërë akoma. Duhet të bëjmë atë që kemi thënë që të fitojë Shqiëpria. Që ne të fitojmë përsëri e përsëri. Ç’na duhet ne se çfarë bën PD? Ç’punë kemi ne si si i bën ajo zgjedhjet brenda saj, se si i kremton fitoren e zgjedhjeve të lira pa u numëruar votat dhe më spa nuk njeh rezultatin kur numërohen votat. Çfarë na intereson ne se si e lidh kalin PD-ja në portën e DASH-it, që të hingëllijë kali kundër narkoshtetit dhe në sallën e Parisit që kali të dëshmojë kundër DASH-it. Ç’punë kemi ne? Çfarë të mbjellësh do korrësh thotë populli. Shqipëria veç për sherr dhe shamata s’ka kohë dhe energji për të humbur.”
