Ish-prokurori Shkëlqim Hajdari, deklaroi se pas shpalljes ”non grata” të ish-kryeministrit Sali Berisha dhe familjes së tij, do të ketë ”goditje” të tjera për politikanët shqiptarë.
I ftuar në emisionin ”Open”, Hajdari u shpreh se e gjithë klasa politike do të kalojë në filtër, qofshin ato majtas apo djathtas.
Lidhur me qendrimin e kryeministrit Edi Rama në lidhje me vendimin e DASH për Berishën, Hajdari e cilësoi si të përgjegjshme, teksa shtoi se politika duhet të rrijë larg, dhe të mbështesë hetime të pavarura.
Shkëlqim Hajdari: ”Kryeministri, për mendimin tim, është sjellur të mënyrë të dinjitetshme dhe të përgjegjshme. Shpresoj që kjo të jetë një moment kthese për politikën shqiptare. Do të ketë edhe goditje të tjera, të gjithë do kalojnë në filtër. Shpresojmë që Rama të ketë reflektuar dhe të behën shembull të gjithë politikanët në raste të tilla. Politika të rrije larg, dhe të mbeshtesë hetime të pavarua. Politika ka konceptin e vetë, ndërsa drejtësia ka konceptin e vetë.”
