Ish-kryeministri Sali Berisha në një intervistë për TVSH-në, zbuloi se çfarë do ndodhte me kryetarin e PD, Lulzim Basha nëse i humbte zgjedhjet.
Sipas Berishës, vetë Basha “ka përcaktuar se nëse nuk fiton zgjedhjet do të bëj zgjedhjet për kryetarin e PD-së në korrik”.
Gjatë kësaj interviste Berisha ka folur edhe për çështje të tjera lidhur me zhvillimet e fundit ne vend por është dukur i ekuilibruar.
Sakaq, Berisha tha se Lulzim Basha ka deklaruar se do të bëhen çdo dy vjet zgjedhjet e kryetarit të PD-së, pas çdo zgjedhje lokale dhe pas çdo zgjedhjeje të përgjithshme.
“Njeriu i fundit që mund të pyetet për problemet e brendshme të PD-së jam unë. E them këtë me sinqeritetin më të madh. Pse? Përsëri statusi im është i tillë. Çdolloj qëndrimi publik mua më krijon përshtypjen se do të më nxirrte nga statusi im i një njeriu të dorëhequr njëherë e përgjithmonë, i njeriut të larguar pa rikthim. Dhe në këtë mes, kryetari ka pranuar që këto janë listat e fundit që bëhen në këtë mënyrë. Dhe çfarë mund të them për këtë?! Lista, çdo njeri po të bënte një listë… nuk ka diskutim që kryetari ka të drejtë të patjetërsueshme të ketë listën e tij. Mënyra…”tha Berisha.
