Berisha, në një takim në selinë e PD-së me kryetarët e zgjedhur të degëve, u ka bërë thirrje të punojnë për krijimin e një fronti opozitar, me qëllim rrëzimin e pushtetit “monist”. Sipas tij, PD-ja është në situatë shumë më të vështirë se në vitin 1991. Ish-kryemiministri Berisha deklaroi se sot të gjitha pushtetet janë në duart e Ramës, të një partie.
“Revolta, pakënaqësia ndaj këtij regjimi zien e vlon jo vetëm në zemrat e demokratëve, por ju garantoj e të një % të madhe të individëve qytetarëve pa parti qoftë dhe të PS e partive të tjera.
Detyra jonë ti aktivizojmë, ti tërheqim ata në veprimin tonë, të bëjmë gjithçka për të vendosur bashkëpunimin me ta. Të bëjmë gjithçka për të identifikuar çdo organizatë, grup interesi, individ, influent e çdo aleat tonin që ne duhet të krijojmë me shpejtësi frontin opozitar.
Ne jemi në situatë absolutisht shumë më të vështirë se sa në vitin 1991.
Jua them këtë se në vitin 1991 ne kishim një regjim monist, komunist, por ai ishte një rrokullisje botërore. Komunizmi nuk ra në Shqipëri në fillim. sot kemi një regjim si në ’91, edhe më monist se në ’91.
Sot të gjitha pushtetet janë në duart e një njeriu, të Ramës, të një partie. Sot është realitet më i hidhur i Shqipërisë, partia-shtet, tipar kardinal i diktaturave.
Nëse presim se do na vijnë ndihma, mashtrojmë e gënjejmë veten. Para syve tanë u instalua çdo muaj e vit pushteti total monist i PS-së.
Ku jemi ne? Më të fortë se kurrë! Kemi 44 mijë luftëtarë të cilët na u përgjigjën në çdo kohë, u konfirmuan 44 mijë luftëtarë është një pakicë e cila mund të kryejë me sukses, mund të ndërtojë, udhëheqë një lëvizje të fuqishme shpëtimtare për Shqipërinë.
Kerkohet me çdo kusht ta zgjerojmë frontin. Duhet të ecim me krijimin e tij në të gjithë vendin”.
