Ish-kryeministri i Shqipërisë, Sali Berisha, mbrëmjen e sotme ka bërë një deklaratë bombë.
I ftuar në emisionin ”Pressing” në ”T7”, Berisha është shprehur se ish-Presidentin e Kosovës, Ibrahim Rugovën në vizitën e parë që ka bërë në Tiranë janë përpjekur që ta vrasin.
Po ashtu, Berisha tha se kanë dashur ta ekzekutojnë dhe atë personalisht, dhe sipas tij arsyeja e vetme ka qenë se Rugova nuk vendosi lule te varri i Enver Hoxhës.
“LDK ishte frymëzim për shqiptarët. Përndryshe presidenti Ibrahim Rugova, Adem Demaci dhe personalitete tjera kishin dorë në nisjen demokratike të Kosovës. E dini që në vizitën e tij të parë në Tiranë, Rugova dhe mua donin të na ekzekutonin sepse ai refuzoi të vendosi lule tek varri i Enver Hoxhës. U paraqit para shqiptarëve sikur mysafir i Sali Berishës. Për fanatikët ishte shumë e rëndë. Shkurt 1991. Ka qenë takimi i parë me Rugovën”, tha ai.
