I ngacmuar në emisionin ‘Opinion’ nga gazetari Blendi Fevziu nëse do të pranonte një kërkesë të kryedemokratit Basha për një koalicion qeverisës me Partinë Socialiste, ish-kryeministri Berisha i ka qëndruar bindjes së tij se do ta këshillonte për të kundërtën. Berisha tha me bindje se Rama nuk bën zgjedhje, por nuk mund të ndërmerrte një vendim madhor pa e provuar.
“Siç ua thashë edhe më sipër, unë nuk do ti thoja të kundërtën e atyre që po u them juve. Unë kam mbështet marrëveshjen e 2017. Aq sa u arrit.
Ajo marrëveshje nuk nënkuptonte kurrë bashkëqeverisje, por një palë zgjedhje normale që nuk u bënë. Unë isha i bindur që Edi Rama nuk bën zgjedhje, por nuk mund të merrja një vendim madhor pa e provuar”, tha Berisha.
