Ish-kryeministri, Sali Berisha deklaroi se shifrat e infeksioneve janë rritur 40 herë në krahasim me periudhën e parë të pandemisë.
Ai tha se këto janë shifra zyrtare, pasi në realitet mund të jenë më të larta.
Sipas Berishës, nëse ai do ishte kryeministër, do i kishte mbyllur shkollat pasi ato janë bomba biologjike bashkë me spitalet.
“Në këtë situatë unë do i mbyllja shkollat menjëherë. Sot janë me qindra fëmijë, që kanë në familje të sëmurë me Covid, por që nuk kanë bërë testin, që nuk ua bëjnë testin, që shkojnë në shkollë dhe përhapin Covid-in.
Vetëm në 15 përqind të shkollave ekzistojnë kushtet e duhura higjienike. Sot shkollat dhe spitalet janë problemet më kryesore. Kujt t’ia thuash, një xhahili që vetëm mashtron dhe vjedh nga mëngjesi deri në darkë.
Rama po të bëjë 5 mijë testime në ditë, do të dalë që epidemia gëlon në çdo qoshe. Shkalla e infeksionit do jetë 60-70 herë më e lartë,” tha Berisha në ‘Çim Peka Live’.
