Ish-kryeministri Sali Berisha i është rikthyer edhe një herë 21 janarit të vitit 2011, ku mbetën të vrarë 4 protestues.
Ai tha se protestuesit kanë qëlluar me plumba drejt zyrës së tij, ndërsa shtoi se ansjë prej viktimave nuk u qëllua në pragun e shtëpisë së tij, megjithëse do të ishte e mirë që të mos qëllohej.
Berisha u shpreh në Tempora se i qëndron fjalëve që ka thënë në konferëncën e 21 janarit 2011.
Sali Berisha: Çdo fjalë që kam thënë në atë konferencë shtypi, i qëndroj se nëse është qëlluar me plumba nga protestuesit, dëshmi janë xhamat e mi të zyrës që janë shpuar nga plumbi dhe ato ruhen edhe sot.
Është e vërtetë që kam deklaruar se janë qëlluar nga afër, por ky ishte informacioni që vinte nga spitali ushtarak. Këto dokumente zyrtare u ndryshuan dhe u tha se nuk u qëllua nga afër. Unë nuk heshta as tre orë dhe kam dalë në konferencë shtypi dhe kam deklaruar ngushëllime familjes dhe hetim për ngjarjen.
Askush prej tyre nuk u qëllua në pragun e shtëpisë së tyre, por sepse ndoqën një axhendë ndërkombëtarisht të pranuar nga OSBE. Gjëja më ë mirë ishte të mos qëllohej.
