Ministrja për Marrëdhënien me Parlamentin dhe njëherësh zëdhënësja e qeverisë, Elisa Spiropali ka deklaruar se ish-kryeministri, Sali Berisha dhe Lulzim Basha kërkojnë me insistim viktima dhe destabilitet në protestat e tyre.
E ftuar në emisionin “Open”, Spiropali tha se “Sali Berisha është kthyer në gjahtar viktimash”, ndërsa paralajmëroi se pjesëmarrja në protestë është e rrezikshme.
“Sali Berisha dhe Lulzim Basha duan të prodhojnë viktima në protesta. Jua them me përgjegjësi të plotë. Ju them shqiptarëve që dalin në protesta se janë në të drejtën e tyre të protestojnë, por po ju them se ka rrezikshmëri, pasi ka plan për të shkaktuar viktima dhe destabilitet”, deklaroi Spiropali.
