Ministria e Shëndetësisë ka deklaruar se deri më tani 26 persona kanë humbur jetën si pasojë e koronavirusit në Shqipëri.
Ndërkohë, ish-kryeministri Sali Berisha së fundmi ka çuditur opinionin publik me reagimin e tij në Facebook.
Sipas Berishës, mbi 62 persona kanë ndërruar jetë në vendin tonë nga COVID-19.
“Dekreti i Sulltan Salep Surrrelit ndalon vdekjet nga COVID-19. I duhet me çdo kusht suksesi qoftë dhe mbi kufoma dhe mashtrime që i mbulon varri”, shkruan ndër të tjera ish-kryeministri.
Postimi i plotë i tij: “Gjashtë të sëmurë vdesin tre ditët e fundit me COVID-19!
Arrin në mbi 62 numri i vdekjeve në spital dhe në shtëpi nga COVID-19!
Miq, gjashtë të sëmurë me COVID-19 vdesin 3 ditët e fundit, nga të cilët 5 në spital, të gjithë të pa regjistruar si të vdekur në covid.
Kjo sepse dekreti i Sulltan Salep Surrrelit ndalon vdekjet nga COVID-19.
I duhet me çdo kusht suksesi qoftë dhe mbi kufoma dhe mashtrime që i mbulon varri.
Kështu me vdekjet spitalore dhe jo spitalore, por në shtëpi, me rastin e raportuar dje nga media, i cili vdiq në mëngjes në Spital, por që Ndrikull Hajnia me urdhër të kryepeidemiologut xhahil të Surrelit u mbajti fshehur, siç ka mbajtur një seri rastesh të tjera në Shqipëri, arrin në së paku 62 numri i të vdekurve me COVID-19!
Ju uroj shërim të sëmurëve, por denoncoj gjithashtu shifrat e larta të vdekshmërisë, dëshmi e një dështimi të plotë në qëndrimin ndaj epidemisë! Sb”.
