Kreu i Partisë Demokratike, Sali Berisha po zhvillon një takim me Kryesinë ne Partisë Demokratike. Ai ka caktuar datën se kur populli do të protestojë sërish. Berisha tha se beteja e PD-së është një betejë për ekzistencën e demokracisë në Shqipëri.
“PD i mbetet të vazhdojë me gjithë fuqinë e saj, e mbështetjen e popullit opozitar, protestat e veta. Beteja e PD-së është betejë për ekzistencën e demokracisë në Shqipëri.
Kur të gjitha institucionet kontrollohen e përfundojnë në duart e një partie, kjo në gjithë përcaktimet është diktaturë e një partie.
Protesta e 12 nëntorit, duhet të vazhdohet me protesta të tjera, data 6 dhjetor mendoj unë është një rast historik që populli opozitar të ngrejë zërin e tij para përfaqësuesve më të lartë, para gjithë botës”.
