Deputetja e opozitës parlamentare është përplasur sot me Ilir Beqajn sot në Kuvend, teksa ka ngritur disa shqetësime për të rinjtë, siç është edhe duhanpirja, si shkaktar kryesor i humbjes së jetës. Sipas Hajdarit, nuk është bërë mjaftueshëm në këtë drejtim, por kjo gjë duket se ka prekur ish-ministrin e Shëndetësisë Ilir Beqaj i cili është ngritur në këmbë.
Hajdari: Kemi djegur shanset tona të integrimit, duke shtyrë mijëra të rinj drejt humbjes së besimit. Pasi i kemi shkaktuar vendit vetëm një stopim. Duhet të kemi parasysh të dashur qytetarë, që vendi ynë është në një krizë të thellë, kushtetuese, institucionale, sociale.
(Ilir Beqaj ngrihet në këmbë dhe flet nga vendi, por kreu i Kuvendit Ruçi nuk e kupton çfarë do të thotë)
Pasi fjalën e mori Beqaj, menjëherë ka reaguar Ruçi, i cili i kërkoi që fillimisht duhet të kërkonte që të merrte fjalën. Ai ia ktheu me të njëjtën monedhë Rudina Hajdarit, ku që në krye të herës i kujtoi faktin se ajo ka jetuar jashtë shtetit. Beqaj i solli në fokus faktin se konsunimi i duhanit në ambiente publike, ndalohej që në 2006, por në fakt u bë në 2013-ën.
Beqaj: Më citoi.
Ruçi: Dua replikë thuaj mo vëlla, vazhdo! 2 minuta..
Beqaj: Zonja Hajdari. qoftë në korrik, qoftë sot, po të kishit interes për rininë mund të propozonit ato ndryshime që i paskeni si ide. Ju s’keni qenë në Shqipëri por konsumimi i duhanit në ambiente publike ndalohej që në 2006, por në fakt u bë në 2013-ën. Kjo mbron konsumatorët, konsumatorët pasiv por sidomos rininë që mund të joshej nga duhanpirja.
Ne kemi bërë një rritje të ndjeshme të kostos, por kjo duhet të jetë në raport me të ardhurat që duhet të kenë familjet shqiptarë. Prandaj bëhen të harmonizuara, kosto, propagandë dhe inspektim.
