Ish-ministri i Drejtësisë, Ylli Manjani shkruan se çdo ndërhyrje në Kodin Zgjedhor, Penal apo në Kushtetutë, do të zyrtarizonte monizmin si realitet politik sundues.
Duke iu referuar ndryshimeve që kërkon qeveria të bëjë në Kodin Penal, ish-ministri shkruan se kjo do të zhbëntë përfundimisht çdo produkt konsensual që pluralizmi prodhoi.
“Shqipërisë i duhet ri-zyrtarizimi i PLURALIZMIT politik në Parlament. Pastaj bëhen reformat, përfshi dhe atë zgjedhore. Duhet vetëm një datë zgjedhjesh politike. Kaq!”, përfundon Manjani.
Postimi i plotë:
Ndërhyrja në mënyrë të njëanshme në Kodin Zgjedhor, Kodin Penal apo edhe në Kushtetutë, zhbën përfundimisht çdo produkt konsensual që, mirë apo keq pluralizmi prodhoi.
Këto ndërhyrje që ka programuar qeveria moniste në dokumentat ligjorë themelorë të shtetit, do të zyrtarizonte MONIZMIN si realitet politik sundues.
Praktikisht kjo është benzinë e pastër që i hidhet zjarrit…
E përsëris: Shqipërisë i duhet ri-zyrtarizimi i PLURALIZMIT politik në Parlament. Pastaj bëhen reformat, përfshi dhe atë zgjedhore. Duhet vetëm një datë zgjedhjesh politike. Kaq!
